"სამოქალაქო განათლების ლექტორთა ასოციაცია" იწყებს სტატიების მიღებას სამეცნიერო რეფერირებადი ჟურნალისთვის "სამოქალაქო განათლების მიმოხილვა".
აღნიშნული ჟურნალი არის ყოველწლიური გამოცემა, რომელიც გამოდის, როგორც ნაბეჭდი ასევე ელექტრონული სახით.
პირველი ნომრის თემაა: "დამოუკიდებლობის 24 წელი - დემოკრატიის მშენებლობა საქართველოში "
ნაშრომი გადმოაგზავნეთ ელექტრონულ მისამართზე info@cela.ge (სათაურში მიუთითეთ სამოქალაქო განათლების მიმოხილვა)
სტატიების მიღების ბოლო ვადა: 15ივლისი
რეცენზირებისათვის მოწოდებული სტატია უნდა წარმოადგენდეს სამოქალაქო განათლებაში გარკვეულ სამეცნიერო წვლილს, მოიცავდეს საკვლევი თემის კრიტიკულ ანალიზს, შესაბამისი არგუმენტებით. ამასთანავე ჰქონდეს თეორიული ჩარჩო და შესრულებული იყოს რელევანტურ მეთოდოლოგიაზე დაყრდნობით.
- ნაშრომი არ უნდა იყოს გამოქვეყნებული, ან წარდგენილი რეცენზირებისათვის სხვა ჟურნალში;
- შეესაბამებოდეს აღნიშნული ჟურნალის სტილისტურ და სტრუქტურულ მოთხოვნებს;
- ავტორებმა ნაშრომთან ერთად უნდა წარმოადგინონ თანდართული ილუსტრაციული მასალის საავტორო უფლებების დამადასტუებელი საბუთი.
სტატია უნდა წარმოადგინოთ შემდეგი ფორმატით:
- ნაშრომის სათაური -შრიფტის ზომა 14, Bold, გასწორეთ ნაშრომის ცენტრში
- თავფურცელი -ინფორმაცია ავტორის შესახებ: სახელი, გვარი, ინსტიტუცია, ელ-ფოსტა და ტელეფონის ნომერი (შრიფტის ზომა 12, Bold, გასწორებული ნაშრომის ცენტრში)
- აბსტრაქტი -მინიმუმ 200, მაქსიმუმ 300 სიტყვა რომელიც მოიცავს საკვლევ პრობლემას, ნაშრომის მიზანს, მეთოდოლოგიას და ძირითადი მიგნებებს (შრიფტის ზომა 10, Italic)
- საკვანძო სიტყვები - 5 ერთეული (შრიფტის ზომა 10, Bold, italic)
- ტექსტი - ნაშრომი აკრეფილი უნდა იყოს Microsoft Word-ის ფორმატში .doc გაფართოებით. შრიფტი -sylfaen, ზომა- 12, ველების დაშორება -1 ინჩი. ქვეთავების დასახელება: შრიფტის ზომა 14, Bold, italic
- მოცულობა- ნაშრომი არ უნდა აღემატებოდეს 7000 სიტყვას (სქოლიოების და შენიშვნების ჩათვლით)
- სქოლიოები -უნდა წარმოადგინონ ნაშრომის ბოლოს
- ციტირება - რომელიც აღემატება 10 ერთეულს უნდა იყოს გამოყოფილი ტექსტიდან როგორც ბლოკი და ჩაისვას ბრჭყალებში.
- შენიშვნები - შენიშვნები უნდა დაერთოს ნაშრომის ბოლოს (შრიფტის ზომა 10 )
- გამოყენებული ლიტერატურა - გამოყენებული ლიტერატურა დაერთოს ნაშრომის ბოლოს და შესრულდეს APA სტანდარტით. დეტალური ინფორმაცია ამ სტანდარტის შესახებ შეგიძლიათ იხილოთ ამ ბმულზე (შრიფტის ზომა 10)
- ანოტაცია ინგლისურ ენაზე - მინიმუმ 500 მაქსიმუმ 1500 სიტყვა (შრიფტიTimes New Roman,ზომა 12 )
- ფაილის სახელწოდება -უნდა იყოს ავტორის გვარი, მაგალითად, antadze.doc
